Путин «Ғалаба куни» муносабати билан 3 кунлик оташкесим эълон қилди
Россия президенти Ғалабанинг 80 йиллиги муносабати билан 3 кунлик ўт очишни тўхтатиш ҳақида қарор қабул қилди.
Ушбу ҳужжат билан «инсонпарварлик нуқтаи назаридан келиб чиқиб, Ғалабанинг 80 йиллиги нишонланадиган кунларда, яъни 7 майдан 8 майга ўтар кечасидан то 10 майдан 11 майга ўтар кечасига қадар Россия томони ўт очишни тўхтатиш режимини эълон қилади». Бу даврда барча ҳарбий ҳаракатлар тўхтайди.
Ўз навбатида, Россия Украина томони ҳам бундан намуна олиши керак, деб ҳисоблайди.
Украина томонидан оташкесим бузилган тақдирда, Россия Федерацияси Қуролли кучлари тегишли ва самарали жавоб беради.
Шунингдек, Путин имзолаган ҳужжатда Россия томони Украина инқирозининг асл сабабларини бартараф этишга ва халқаро ҳамкорлар билан конструктив ҳамкорлик қилишга қаратилган дастлабки шартларсиз тинчлик музокараларига тайёрлиги ҳам эълон қилинади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter