Россия президенти Владимир Путин Киев билан тўғридан-тўғри музокараларни бошлашни таклиф қилди. 

Бу ҳақда Россия президенти 11 май куни кечқурун Кремлда ғалабанинг 80 йиллигига бағишланган тадбирлардан сўнг бўлиб ўтган журналистлар билан учрашувда маълум қилди. 

“Биз музокараларни кечиктирмасдан – келаси пайшанба, 15 май куни Истанбулда бошлашни таклиф қиламиз”, — деди Путин. 

Унинг сўзларига кўра, таклиф “ҳеч қандай дастлабки шартларсиз” ўт очишни тўхтатишга тааллуқлидир. Шунингдек, у 11 май куни ёки кечқурун Туркия президенти Ражаб Тоййиб Эрдўғон билан музокаралар ташкил этиш масаласини муҳокама қилишни режалаштираётганини айтди. 

 “Биз ушбу музокаралар давомида янги ўт очишни тўхтатиш ва ҳақиқий сулҳ ҳақида келишиб олиш мумкинлигини истисно қилмаймиз”, — дея қўшимча қилди у. 

 Айни пайтда, бир кун аввал Украина президенти Владимир Зеленский ўзининг Телеграм-каналида Франция, Германия, Полша ва Буюк Британия раҳбарларининг Киевдаги халқаро учрашув якунлари бўйича қўшма баёнотини эълон қилди. 

 Томонлар “дипломатия учун жой яратиш” учун 12 май, душанбадан бошлаб камида 30 кун давомида тўлиқ ва шартсиз ўт очишни тўхтатишга чақирди. Таклиф этилаётган сулҳ кенг қамровли бўлиши керак - қуруқликда, ҳавода ва денгизда.