Трамп Қримни Украинага қайтариш талабларини "бемаъни" деб атади
АҚШ етакчиси Қрим ва бошқа ҳудудларни Украинага қайтариш талабларини беъмани деб атади.
Қрим ва бошқа ҳудудларни Украинага бериш талаблари бемаънилик, деди АҚШ президенти Дональд Трамп Truth Social ижтимоий тармоғида.
АҚШ етакчиси демократлар тарафдори бўлган New York Times газетаси ва хусусан, унинг Оқ уй бўйича бош мухбир Питер Бейкернинг “Оқ уйни эгаллаб олган шахс президентлигининг биринчи юз кунлигидаги ҳаракатлари гўёки Москва фойдасига ўйнаган” мазмунида ёзган мақоласига шундай изоҳ берди.
“Россия/Украина бўйича қандай битим тузмасам ҳам, бу қанчалик яхши бўлмасин, ҳатто бу тарихдаги энг катта келишув бўлса ҳам, оғир кунларни бошдан кечираётган New York Times бу ҳақда ёмон гапиради. Унинг ўта нохолис ва лаёқатсиз муаллифи Питер Бейкер ўз ноширининг талабларига бўйсунди ва Украина ўз ҳудудларини, шу жумладан, менимча, Қримни ва бошқа бемаъни талабларни қайтариши кераклигини ёзди”, — дея изоҳ ёзди Трамп.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter