Жиззахдаги кўп қаватли уйнинг қулаши видеога тушиб қолди
Жиззах шаҳрининг Мустақиллик кўчаси бўйида қурилаётган кўп қаватли уйлардан бирининг бир қисми 10 январь куни соат тахминан 17:15 да қулагани ҳақида хабар берилган эди.
Ушбу кўчада ҳаракатланиб бораётган автомобиллардан бирига ўрнатилган видеорегистраторга бинонинг қулаш жараёни ёзилиб қолган.
Видеоёзув Telegramдаги каналларда эълон қилинди. Унда бинонинг бир қисми қулагани ва шундан сўнг ҳаммаёқ қуюқ чанг ичида қолганини кўриш мумкин.
Видеоёзув эгасининг таъкидлашича, ҳайдовчи вақтида орқага юришга улгурган, «йўқса машина титилиб кетарди».
Дастлабки маълумотларга кўра, бино қулаши оқибатида тан жароҳати олган ёки ҳалок бўлган фуқаролар йўқ.
Бинонинг қулаш сабабларини ўрганиш учун Бош вазирнинг биринчи ўринбосари А.Раматов раҳбарлигида Ҳукумат комиссияси тузилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter