Самарқандда ишчи еттинчи қаватдан тушиб кетди
Самарқанд шаҳридаги Археология институти қаршисида қурилаётган бинонинг 7-қаватидан зинапоялар орасидан пастга тушиб кетган ишчи вафот этди. Бу ҳақда Nuz.uz хабар бермоқда.
Самарқанд шаҳри бўйича Ички ишлар органлари фаолиятини мувофиқлаштириш бошқармасига қарашли 6-Ички ишлар бўлинмасидан олинган маълумотга қараганда, воқеа жорий йилнинг 6 май куни содир бўлган.
Сувоқчилик ишлари билан шуғулланган қашқадарёлик Б.А воқеа жойида вафот этган. Марҳум қурилаётган бинонинг 7-қаватидан тушиб кетганлиги айнан Ички ишлар органи томонидан тарқатилган маълумотномада кўрсатиб ўтилган. Аммо, шуниси қизиқки, бино қурилишига рухсат берилган шаҳар ҳокимининг 2019 йил 14 ноябрдаги қарорида у уч қаватдан иборат бўлиши белгиланган.
Мазкур ҳолат юзасидан Самарқанд шаҳар бўйича ИИО ФМБ ҳузуридаги тергов бўлими томонидан Жиноят кодексининг 257-моддаси 2-қисми «а» банди билан жиноят иши қўзғатилганлигини маълум қилинди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter