Тошкентда қўлга олинган ўзбекистонлик топ-модель хорижга чиқиш паспортини олади (фото)
Тошкент халқаро аэропортида 23 январь куни Лондондан учиб келган асли ўзбекистонлик топ-модель Надя Непомнящая қўлга олингани хабар қилинганди. У давлат чегарасини ноқонуний кесиб ўтгани учун ушланган ва жиноят иши очилган.
29 ёшли Непомнящая Тошкентга қаллиғи — таниқли кинопродюсер Майкл Грэйси билан паспортида виза варақлари тўлгани сабаб уни хорижий паспортга алмаштириш учун учиб келганди. Унга нисбатан Ўзбекистон Жиноят кодексининг 223-моддаси 1-қисми билан жиноят иши қўзғатилгани маълум қилинганди.
Энди Надя Непомнящая хорижга чиқиш паспортини олади, деб хабар бермоқда «Uznews.uz».
31 январь куни Надя Непомнящая Сергели туманидаги миграция ва фуқароликни расмийлаштириш бўлимида хорижга чиқиш паспортини олиш учун фотога тушган.
Нашрнинг ёзишича, топ-модель вазиятга бирор изоҳ беришни истамаган.
Эслатиб ўтамиз, хорижга чиқиш паспорти ҳужжат топширилганидан кейин 10 кун ичида берилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter