Bugun, 29 oktyabrga o‘tar kechasi 2023/2024-yillar mavsumi yakunlari bo‘yicha dunyoning eng yaxshi futbolchisiga France Football tomonidan «Oltin to‘p» mukofotini topshirish marosimi bo‘lib o‘tadi.

Tantanali marosim Parijdagi «Shatle» teatrida bizning vaqt bilan soat 00:15 da boshlanadi.

Birinchi marta «Oltin to‘p» UEFA bilan birgalikda topshiriladi. 2010-yildan 2015-yilgacha mukofot France Football va FIFA hamkorligida taqdim etib kelingan.

2003-yildan beri birinchi marta mukofotga da’vogarlar ro‘yxatida Lionel Messi va Krishtianu Ronaldu yo‘q.

2024-yilda «Oltin to‘p»ga da’vogarlar ro‘yxatiga 30 futbolchi kiritildi:

• Argentina — Emiliano Martines, Lautaro Martines;
• Angliya — Koul Palmer, Harri Keyn, Bukayo Saka, Deklan Rays, Fil Foden, Jud Bellingem;
• Braziliya — Vinisius;
• Germaniya — Mats Hummels, Florian Virs, Antonio Ryudiger, Toni Kroos;
• Ispaniya — Niko Uilyams, Dani Olmo, Lamin Yamal, Alexandro Grimaldo, Rodri, Daniel Karvaxal;
• Nigeriya — Ademola Lukman;
• Norvegiya — Martin Edegor, Erling Holan;
• Portugaliya — Vitinya, Ruben Diash;
• Turkiya — Hoqon Chalxanog‘lu;
• Ukraina — Artyom Dovbik;
• Urugvay — Federiko Valverde;
• Fransiya — Vilyam Saliba, Kilian Mbappe;
• Shveysariya — Granit Jaka.