Husiylar vakili Yahyo Sari yo‘lovchilarni Saudiya Arabistonidagi aeroportlardan qochishga chaqirdi, chunki ular havo hujumlariga duchor bo‘lishi mumkin.

​«Bizning qurolli kuchlarimiz yana bir bor aviakompaniyalar, mutaxassislar, ishchilar va yo‘lovchilarni ogohlantiradi: Saudiya Arabistonidagi aeroportlardan uzoqroq turing, chunki havo hujumlariga duchor bo‘lishingiz mumkin. Bizning kuchlarimiz ushbu aeroportlarni ehtimoliy nishonlar deb hisoblaydi», deb yozdi u X ijtimoiy media platformasida.

​Sari husiylar musulmonlarning muqaddas shaharlari Makka va Madinadagi aeroportlarni nishonga olmasligini ta’kidladi.

​Avvalgi xabarlarda Yamanda joylashgan husiylar Ar-Riyoddagi aeroportga havo hujumi uyushtirgani, 12 kishi halok bo‘lgani va 300 dan ortiq odam yaralangani aytilgan edi. O‘zbekiston mazkur hujumni qoraladi. 

​Saudiya Arabistoni Yamanda husiylarga qarshi xalqaro miqyosda tan olingan Yaman hukumati tomonida janglarda ishtirok etmoqda.