Eron oliy rahbari Mojtaba Xomanaiy ilk bor ko‘rinish berdi. 

Eron ommaviy axborot vositalari 2026-yil mart oyida tayinlanganidan beri birinchi marta oliy rahbar Mojtaba Xomanaiyning videosini e’lon qilishdi. Davlatga qarashli Mehr axborot agentligi Xomanaiyning bir nechta insonlar qurshovida gilam ustida o‘tirgan qisqa videosini efirga uzatdi. 

Video musiqa bilan qo‘yilgan bo‘lib, qahramonlar nimani muhokama qilayotgani noaniq. Video qachon suratga olingani ham noma’lum. 

Mojtaba Xomanaiy AQSh-Isroil harbiy kampaniyasi boshlanganidan ko‘p o‘tmay Eronning oliy rahbari etib saylandi. Bu lavozimni ilgari uning otasi Ali Xomanaiy egallagan, u 28-fevraldagi hujumda halok bo‘lgan. 12-mart kuni Mojtaba Xomanaiy o‘zining birinchi nutqini so‘zladi, u televideniye va onlayn ommaviy axborot vositalarida matn formatida efirga uzatildi. U shaxsan ko‘rinish bermadi. Xorijiy ommaviy axborot vositalari uning sog‘lig‘i og‘irligi haqida xabar berishdi.

Eron rasmiylari Xomanaiyning AQSh hujumida yaralanganini tasdiqladilar, ammo jarohat yengil bo‘lganini ta’kidladilar.