Tailandda dahshatli suv toshqini: 40 kishi halok bo‘ldi
Tailandda davom etayotgan suv toshqini oqibatida qirq kishi halok bo‘ldi. Bu haqda hukumat vakili Ekkapob Pianpises Bangkok Post nashriga ma’lumot berdi. Rasmiylar ilgari 23 kishi halok bo‘lganini xabar qilishgan edi.
Suv toshqinlari taxminan 2700 kvadrat kilometr maydonga ta’sir ko‘rsatdi. Eng katta zarar mamlakatning markaziy qismida qayd etildi.
Tailandda mavsumiy musson yomg‘irlari oqibatida kelib chiqqan suv toshqinlari 2,6 milliondan ortiq odamga ta’sir ko‘rsatdi. Shanba kuni kuchli yomg‘ir tufayli falokat holati e’lon qilingan Bangkokda taxminan 700 ming aholi jabr ko‘rdi.
Yomg‘ir pasayishi bilan Tailand poytaxtidagi suv sathi ham pasaydi, ammo ba’zi yo‘llar suv ostida qolmoqda va shahar hokimiyati odamlarga aylanma yo‘llardan foydalanishni maslahat bermoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter