Tojikiston fuqarolari Rossiyada asosiy huquq va erkinliklarning buzilishiga tobora ko‘proq duch kelmoqda. Bu haqda respublika bosh vaziri Koxir Rasulzoda Rossiya bosh vaziri o‘rinbosari Marat Xusnullin bilan uchrashuvda ma’lum qildi, deya xabar beradi «TASS».

Uning so‘zlariga ko‘ra, bu tojikistonliklar Rossiya Federatsiyasiga kiritilmagani yoki «xavfsizlikning keng va noaniq formulasi ostida» deportatsiya qilinganida ifodalangan. Xususan, uning ta’kidlashicha, Rossiyaga kirishda kutish muddati bir necha kun bo‘lishi mumkin, hibsga olinganlar orasida rasmiy delegatsiyalar a’zolari, bolalar va qariyalar ham bor.

«Rossiyada migratsiya sohasini tartibga solish bo‘yicha chora-tadbirlar davomida fuqarolarimizning asosiy huquq va erkinliklarining keng miqyosda buzilishi tendensiyasidan xavotirga tushmaslik mumkin emas», dedi Rasulzoda.

O‘z navbatida, Xusnullin Rossiyada bundan buyon noqonuniy migratsiya bo‘lmasligini ta’kidladi. Mehnat resurslari bilan ishlash davom etadi, chunki bu zarur, lekin qonuniydir. Dushanbeda bo‘lib o‘tgan savdo-iqtisodiy hamkorlik bo‘yicha Tojikiston-Rossiya hukumatlararo komissiyasi yig‘ilishi yakunlanganidan so‘ng Xusnullin Rossiya va Tojikiston ikki davlat xavfsizligini ta’minlash bo‘yicha kichik ishchi guruh tuzib, harakatlarni belgilab olishlari zarurligini ta’kidladi.