AQSh prezidenti Donald Tramp vitse-prezident J.D. Vens 2028-yilgi prezidentlik saylovlarida nomzod bo‘lishi kerak deb hisoblaydi, deya xabar berdi The Washington Post (WP) manbalarga tayanib.

Donald Tramp yaqinda Respublikachilar partiyasi homiylariga J.D. Vensning keyingi prezidentlik saylovlarida g‘alaba qozonishini ko‘rishini istashini aytgan. Biroq, ba’zi maslahatchilar siyosatchi hali voris haqida qaror qabul qilmaganligi haqida ogohlantirishdi.

Ayni paytda, Donald Tramp prezidentlikka nomzod sifatida tilga olgan AQSh Davlat kotibi Marko Rubio kelajakdagi saylovlar haqidagi gap-so‘zlardan qochishga harakat qilmoqda. Vens ham hali o‘z nomzodini qo‘yish rejasini tasdiqlamagan.

The New York Times gazetasining xabar berishicha, Donald Tramp J.D. Vensning o‘z vorisi bo‘lishga mos kelishiga shubha qilmoqda. Prezident bu masala bo‘yicha tez-tez maslahatchilarning fikrlarini so‘rashni boshlagan. Ilgari Tramp J.D. Vens va Marko Rubioni saylovlar uchun ideal juftlik deb atagan edi.

Siyosatchi kimni prezident va kimni vitse-prezident sifatida ko‘rishini aniq aytmadi.