Швеция Украинага катта ёрдам ажратяпти
Швеция ҳукумати яқин орада Киевга 1,2 миллиард долларлик ҳарбий ёрдам юборади. Бу ҳақда бугун, 30 январ куни Швеция мудофаа вазири Поул Жонсон маълум қилди.
«Бу Швециядан Украинага 18-ёрдам пакети. Бу, шунингдек, Швециянинг Украинага тақдим этган энг катта пакетидир», деди швед вазири пайшанба куни бўлиб ўтган матбуот анжуманида.
Reuters хабар беришича, Швеция Мудофаа вазирлиги раҳбари айни пайтда ҳукумат Швеция ва Европадаги етказиб берувчилар билан Украинага артиллерия ва учувчисиз учоқларни етказиб бериш бўйича музокаралар олиб бораётганини ҳам маълум қилган.
2024 йилда Украина президенти Владимир Зеленский ва Швеция бош вазири Улф Кристерссон келгуси ўн йилга мўлжалланган хавфсизлик соҳасида ҳамкорлик бўйича икки томонлама шартнома имзолаган эди.
Ўтган йили Киев ҳам ўзининг исми ошкор этилмаган Швеция компанияси билан тўғридан-тўғри қурол сотиб олиш бўйича илк шартномани имзолаган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter