Халқаро қидирувга берилган ўзбекистонлик қўлга олинди
Халқаро қидирувга берилган ўзбекистонлик фуқаро Қозоғистоннинг Оқтўба вилоятида қўлга олинди.
Полиция маълумот беришича, қидирувдаги шахс Оқтўба вилоятининг «Жайсан» темирйўл ўтиш пунктида ушланган. У гиёҳвандлик моддаларини ноқонуний олиб ўтганлиги учун Молдова ИИВ Интерпол миллий марказий бюроси томонидан қидирувга берилгани айтилмоқда.
«Гумонланувчи 2013 йилда бошқа шахслар билан биргаликда наркотик моддаларни халқаро етказиб беришни ташкил қилган. У Молдовага кирмоқчи бўлганида ёнидан 46 грамм героин чиққан», — дейилади полиция баёнотида.
Қўлга олинган шахс вақтинча сақлаш изоляторида ушлаб турилибди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter
Изоҳлар мавжуд эмас