ФИФА президенти Жанни Инфантино Жаҳон чемпионати иштирокчилари сонини 64 та давлатга кенгайтиришни кўриб чиқаётганини маълум қилди. 

«Фақат Европа ва Жанубий Америка эмас, балки бутун дунё Жаҳон чемпионати ҳақида орзу қила олиши керак», дея ундан иқтибос келтиради Blue Sport нашри. 

ФИФА президенти Жаҳон чемпионатида иштирок этувчи жамоалар сонини кенгайтириш масаласи 2026 йилги мундиалдан кейин муҳокама қилиниши кераклигини таъкидлади. 

2026 йилги Жаҳон чемпионати ҳозирда АҚШ, Канада ва Мексикада бўлиб ўтмоқда, унда 48 та жамоа иштирок этмоқда - бу турнир рекордидир. Жаҳон чемпионатидм финалга чиқиш учун кураш Испания ва Франция ҳамда Англия ва Аргентина ўртасида бўлади. 

Жаҳон чемпионатида иштирок этувчи жамоалар сонини кенгайтириш таклифи илгари Жанубий Америка футбол федерацияси президенти Алехандро Домингес томонидан тақдим этилган эди. Жамоалар ҳар бири тўрттадан иборат 16 та гуруҳга бўлиниши кутилмоқда. Ҳар бир гуруҳдан энг яхши икки жамоа плей-оффга чиқади ва кейинчалик Олимпия тизимига мувофиқ медаллар учун курашади.