Пора олган электр муҳандислари ушланди
Тошкент шаҳридаги туман электр тармоқлари корхонасининг икки нафар муҳандиси пора билан қўлга тушди.
Муҳандислар тижорат банкларидан бирининг биносида электр ҳисоблагич нотўғри улангани ва электр сарфи хато ҳисобланаётгани ҳақида далолатнома расмийлаштиришган. Улар ушбу далолатнома бўйича 400 млн сўм жарима ҳисоблашган ва уни 65 млн сўмга тушириб бериш эвазига МЧЖ раҳбаридан 8 минг доллар талаб қилишган.
ДХХ Тошкент вилояти бўйича бошқармаси ва Иқтисодий жиноятларга қарши курашиш департаменти ходимлари томонидан ўтказилган тезкор тадбирда, муҳандислар сўралган пулни учинчи шахс орқали олаётган вақтида ушланган.
Ҳозирда мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter