Интернет-наркодўкон “омборчиси” қўлга тушди
ДХХ ва Божхона органлари ходимлари ҳамкорликда интернет-наркодўкон “омборчиси”ни қўлга олди.
Тошкент вилоятининг Зангиота туманида ўтказилган тезкор тадбирда олдиндан кузатувга олинган, 1994 йилда Қорақалпоғистон Республикасида туғилган фуқаро ушланиб, ундан хориждан юборилган сув насоси қурилмаси тегишли тартибда олиб қўйилди. Ушбу қурилма холислар иштирокида текширилганда, унинг ичига 968 гр «Алфа ПВП» синтетик гиёҳвандлик воситаси яширилганлиги маълум бўлди.
Шунингдек, мазкур фуқаро ижарада яшовчи Тошкент шаҳридаги Янгиҳаёт туманидаги хонадондан ҳам наркотик моддаларни ўлчаш ва қадоқлашда фойдаланиладиган 2 та электрон тарози, “зип” пакетлар ҳамда скотчлар олинди. Аниқланишича, у интернет-наркодўконда “омборчи” вазифасида ишлаган.
Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter