Чотқол қўриқхонасида ёнғин чиқди
![Чотқол қўриқхонасида ёнғин чиқди](https://xabar.uz/static/crop/7/1/920__95_716719334.png)
Кеча, 8 июль куни кечаси Чотқол давлат биосфера қўриқхонасининг Майдонтол бўлими ҳудудида кичик ёнғин содир бўлди. Бу ҳақда ФВВ хабар бермоқда.
Маълум қилинишича, Чотқол давлат биосфера қўриқхонасининг Майдонтол бўлими ҳудудида 8 июль куни кечаси кичик ёнғин содир бўлган. Фавқулодда вазиятлар вазирлигининг Ўрмон ёнғинларини бартараф этиш махсус отряди зудлик билан воқеа жойига етиб борган.
Қисқа вақт ичида ФВВ ходимларининг тезкор ва малакали ҳаракатлари натижасида ёнғин ўчирилди ва шу орқали ўрмоннинг катта ҳудудига тарқалиши мумкин бўлган ёнғиннинг олди олинган.
Жараёнга Мудофаа вазирлиги, шунингдек, Экология, атроф-муҳитни муҳофаза қилиш ва иқлим ўзгариши вазирликларининг куч ва воситалари ҳам жалб этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter