Ўзбекистонда олий диний таълим муассасалари сони яна биттага кўпайди
Имом Термизий номидаги ислом институти Ўзбекистон Республикаси Адлия вазирлигида давлат рўйхатидан ўтказилди.
Қайд этилишича, мазкур олий таълим муассасаси Термиз шаҳрида 2020-2021 ўқув йилида очилган ўрта махсус ислом таълим муассасасининг узвий давоми сифатида давлат рўйхатидан ўтказилган.
Таълим муассасасида ўқиш муддати 4 йил бўлиб, бакалавр даражасидаги олий диний маълумотли ҳадис илмлари, диний фанлар ва араб тили бўйича мутахассислар тайёрланади.
Айни пайтда Имом Термизий номидаги ислом институтига 2024-2025 ўқув йили учун қабул эълон қилинмоқда. Ўқишга кириш истагида бўлган абитуриентлардан ҳужжатларни қабул қилиш 2024 йил 14 августдан 20 августга (шу куни ҳам соат 18:00 гача) қадар давом этади.
Абитуриентлар араб тили, ҳадис ва мусталаҳул ҳадис (ижодий) ҳамда тарих фанларидан имтиҳонларини топширадилар.
Ҳозирча қабул имтиҳонлари ўтказиладиган сана бўйича маълумот берилмади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter