Диёра Келдиёрова олимпиада чемпиони бўлди!
![Диёра Келдиёрова олимпиада чемпиони бўлди!](https://xabar.uz/static/crop/2/6/920__95_2679471488.jpg)
Париж-2024 ёзги Олимпия ўйинларида Ўзбекистон делегацияси дастлабки олтин медални қўлга киритди.
Дзюдо бўйича -52 кг вазн тоифасида ўзбекистонлик спортчи Диёра Келдиёрова финал баҳсида косовалик рақиби устидан ғалаба қозонди.
Маълумот учун, Дистрия Красничи -48 вазн тоифасида Токио Олимпиадаси чемпиони бўлган.
Диёра Келдиёрова олимпиада олтин медалини қабул қилиб олди. Парижда юртимиз мадҳияси янгради.
Президентимиз Шавкат Мирзиёев Парижда ўтаётган ёзги Олимпия ўйинларида дзюдо бўйича беллашувларнинг 52 килограммгача вазн тоифасида барча рақибаларини енгиб, олимпия терма жамоамизга биринчи олтин медални келтирган Диёра Келдиёрова билан телефон орқали мулоқот қилди.
Давлатимиз раҳбари Ўзбекистон тарихида ёзги Олимпия ўйинларида аёллар ўртасида биринчи марта чемпион бўлган спортчи қизимизни тарихий ғалаба билан қизғин табриклаб, ота-онаси ва мураббийларига миннатдорлик билдирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter