Beeline Uzbekistan TIUE билан ҳамкорликда информатика ўқитувчиларини ўқув жараёнида сунъий интеллект (СИ) технологияларини қўллашга ўргатиш бўйича кенг кўламли таълим лойиҳасини муваффақиятли якунлади. Beeline Academy дастурида бутун мамлакат бўйлаб мингга яқин ўқитувчилар иштирок этиб, малака ошириш сертификатларини қўлга киритдилар.

Мактаблар ва бошқа таълим муассасалари учун таълим ва бошқа лойиҳаларда сунъий интеллектдан фойдаланиш кўникмалари бўйича тренинглар ўзбек ва рус тилларида методистлар, координаторлар ва рақамли технологиялар соҳасидаги экспертлар иштирокида интерактив сессиялар шаклида ўтказилди ва дастурда Ўзбекистон шаҳарлари ва туманларидан жами мингга яқин информатика ўқитувчилари иштирок этди. Ушбу ҳафтада курс битирувчиларига малака ошириш сертификатлари топширилди, бутун Ўзбекистон бўйлаб дастур иштирокчилари маросимга онлайн уланишди, ўқитувчиларнинг бир қисми эса ҳужжатларни университетнинг ўзида олишди.

«Янги авлод IT-мутахассисларини шакллантираётган ўқитувчиларни қўллаб-қувватлаш Beeline Uzbekistan AI1440 стратегиясининг муҳим қисми ва Ўзбекистоннинг рақамли таълимини ривожлантиришга қўшган ҳиссасидир. Шахсан мен учун бу лойиҳа ўзгача, чунки болаларимиз ва бутун мамлакат келажаги ўқитувчилар ишининг сифатига боғлиқ. Сизнинг меҳнатингиз бебаҳо ва тайёргарлик даражангиз қанчалик юқори бўлса, бизнинг умумий келажагимиз шунчалик кучли бўлади», – деди Beeline Uzbekistan бош директори Андрей Пятахин.

«Beeline Uzbekistan билан ҳамкорлик туфайли биз бутун мамлакат бўйлаб информатика ўқитувчилари учун қулай таълим муҳитини яратишга муваффақ бўлдик. Ушбу курс ўқитувчилар ўқув амалиётида фойдаланиши мумкин бўлган янги компетенцияларни шакллантириш учун асос бўлди. Бундай дастурларни, айниқса, ҳудудларда жорий этиш ва ривожлантиришни давом эттириш, ўқитувчиларнинг малакасини ошириш учун қўшимча имкониятлар яратиш ниятидамиз», – деди TIUE ректори Носир Ходжаев.

«Сунъий интеллект соҳасида ўқитувчиларни тайёрлаш мамлакатнинг рақамли иқтисодиётини барқарор ривожлантириш учун муҳим аҳамиятга эга. Бугунги кунда рақамли трансформациянинг янги босқичи шаклланмоқда - таълим, саноат ва давлат бошқарувида сунъий интеллект ечимларини тизимли жорий этишга эътибор қаратилмоқда. Янги билимларни эгилувчанлик ва юқори қабул қилиш қобилиятига эга бўлган ёш авлод бу жараённинг табиий катализаторига айланади. Мамлакатимизда сунъий интеллект технологияларини ривожлантиришга алоҳида эътибор қаратилмоқда: у давлат стратегик ҳужжатлари даражасида устувор йўналиш сифатида белгиланган. Хусусий сектор, жумладан, Beeline Uzbekistan билан қўшма ташаббуслар туфайли мамлакатда сунъий интеллект соҳасида профессионал кадрларни тайёрлаш ва ривожлантириш учун мустаҳкам пойдевор яратилмоқда», – деди Ўзбекистон Республикаси Рақамли технологиялар вазирлиги Сунъий интеллект технологияларини ривожлантириш департаменти бошлиғи Сарвар Саъдуллаев.

«Биз ушбу курс давомида жуда қизиқарли ва фойдали маълумотларга эга бўлдик. Расм ва видеолар билан ишлашнинг замонавий усуллари, шунингдек, сунъий интеллект технологиялари ҳақида олган маълумотларимиз иш самарадорлигимизни оширишга катта ҳисса қўшади. Биз ўзлаштирган бу билим ва кўникмаларни келгусида мактабдаги ўқув жараёнида амалиётда қўллашни режалаштирмоқдамиз», – деди Санжар Хўжаев, Тошкент Ахборот Технологиялари Университети, Информатика ўқитувчиси.

Уч йилдан буён Beeline Academy дастуридаги рақамли оператор ўқитувчиларнинг рақамли компетенцияларини ривожлантириш ва Ўзбекистон иқтисодиёти учун бўлажак IT-мутахассисларини тайёрлайдиган мактаблар, лицейлар, коллежлар ва олий ўқув юртлари ўқитувчилари учун таълим технологиялари даражасини қўллаб-қувватлаш билан шуғулланади.

2023-2024 йилларда Beeline Academy ва TIUE доирасида 260 дан ортиқ информатика ўқитувчилари киберхавфсизлик, сунъий интеллект, кибергигиена, Python, 3D графика ва Frontend дастурлаш йўналишлари бўйича ўқитилди. Beeline Uzbekistan таълим ташаббусларига ва ўқитувчилар ҳамда талабаларнинг STEM соҳасидаги рақамли компетенцияларини ривожлантиришга сармоя киритишда давом этмоқда.

Beeline Uzbekistan ҳақида

Beeline Uzbekistan («Unitel» МЧЖ) 2006 йил 12 сентябрдан бошлаб ушбу савдо белгиси остида рақамли оператор сифатида фаолият юритиб келмоқда. Компания мамлакатдаги йирик солиқ тўловчилардан бири бўлиб, Ўзбекистондаги фаолияти давомида тахминан 2,1 миллиард АҚШ доллари миқдорида солиқ тўлаган. 2 000 дан ортиқ ходимга эга Beeline Uzbekistan Top Employe 2024 ва 2025 сертификатига сазовор бўлган.

Beeline Uzbekistan VEON Group таркибига киради. VEON 2006 йилдан буён Ўзбекистон телекоммуникация соҳасига 1,6 млрд АҚШ долларидан ортиқ сармоя киритган.

VEON – 150 миллиондан ортиқ алоқа хизмати мижозлари ва тахминан 120 миллион ойлик фаол рақамли фойдаланувчиларга хизмат кўрсатадиган рақамли оператордир. Компания дунё аҳолисининг 6% дан ортиғи истиқомат қиладиган 5 мамлакатда фаолият юритади ва технологияларга асосланган хизматлари орқали инсонларнинг ҳаётини ўзгартириб, иқтисодий ўсишга ҳисса қўшмоқда. VEON бош қароргоҳи Дубайда жойлашган бўлиб, акциялари NASDAQ биржасида сотилади. Батафсил маълумот www.veon.com.

Sayt: beeline.uz
Facebook: @beeline.uz
Instagram: @beeline_uzbekistan
Telegram: @beelineuzbekistan
X: @beeline_uz
LinkedIn: @beeline-uzbekistan