2025 йил 23 сентябрдан 26 сентябрга қадар Ўзбекистонда ICTWEEK Uzbekistan 2025 — ахборот-коммуникация технологиялари соҳасидаги кенг кўламли тадбир бўлиб ўтмоқда. Дунёнинг етакчи брендлари, маҳаллий АКТ компаниялари, таълим муассасалари, халқаро экспертлар ҳамда 50 дан ортиқ мамлакатдан ташриф буюрган иштирокчилар Сунъий Интеллект, рақамли трансформация ва интеллектуал келажак соҳасидаги долзарб мавзуларни ўзаро муҳокама қилиш учун йиғилдилар. Huawei компанияси ICTWEEK тадбирининг доимий ҳамкори сифатида АКТ секторининг турли бизнес бўлинмалари, вертикал саноатлар, шунингдек, ақлли қурилмалар ишқибозлари учун энг сўнгги ечимлар ва технологияларни тақдим этади.

2025 йилнинг 23 сентябрида CAEx кўргазмалар марказида Ўзбекистон АКТ саноатининг йиллик асосий тадбири ICTWEEK Uzbekistan 2025 ўз ишини бошлади. Huawei компанияси Ўзбекистонда 25 йилдан ортиқ фаолият юритиб, ҳар йили "ҳафталик"нинг асосий тадбирларида, шу жумладан ICT EXPO 2025 кўргазмасида ҳам иштирок этиб келмоқда. Бу йил анъанага мувофиқ компания оператор сегменти учун ечимлар ва маҳсулотларни тақдим этади. Шунингдек, тезкор маълумотлар узатиш тармоқлари, булутли хизматлар, корпоратив сектор учун ечимлар, маълумотларни қайта ишлаш марказлари ва рақамли энергетика соҳаси учун энергия тежамкор инновацияларни намойиш этишга эътибор қаратади. Халқаро ҳамкорлар билан биргаликда операторлик ва саноат сегментларида, шунингдек, истеъмол йўналишида сунъий интеллект технологияларини реал қўллаш ечимлари ва мисолларига алоҳида эътибор қаратилди.

ICTWEEK Uzbekistan 2025 ҳафталигининг очилиш маросимида Huawei компаниясининг Ўзбекистондаги бош директори ўринбосари жаноб Хе Чжиюань табрик сўзи билан йиғилганларни қутлади. У ўз нутқида ICTWEEK мамлакатда рақамли ўзгаришларни жадаллаштириш ва "Рақамли Ўзбекистон"нинг минтақавий ва глобал эътирофини ошириш орқали АКТ соҳасини янада ривожлантиришда муҳим роль ўйнашини таъкидлади.

"Сунъий интеллект технологиялари кундалик ҳаётимизга чуқур кириб бормоқда ва интеллектуал дунёни янада яқинлаштирмоқда. Қийматнинг сезиларли даражада ошиши ва унинг қўлланилиш соҳаларининг кенгайиши туфайли сунъий интеллект унумдорликни сезиларли даражада оширади ҳамда иқтисодий ривожланишга ёрдам беради, шу билан бирга турмуш тарзимизни ўзгартиради ва жаҳон тараққиётининг ҳаракатлантирувчи кучига айланади. Биз "Рақамли Ўзбекистон"нинг жадал ўзгаришларининг бир қисми бўлишдан ва ICTWEEK 2025 тадбирларида кучли АКТ инфратузилмасини яратиш шунингдек, Сунъий Интеллект технологияларини жорий этиш орқали рақамли трансформация бўйича ўз қарашларимизни баҳам кўришдан фахрланамиз," — деди жаноб Хэ

"Рақамли Ўзбекистон"нинг жадал ривожланиши ва мамлакат рақамли иқтисодиётига қўшма ҳисса қўшишнинг муҳимлигини ҳисобга олган ҳолда, Huawei компанияси Ўзбекистон Республикаси Рақамли технологиялар вазирлиги ва "IT-таълим уюшмаси" ННТнинг ташкилий қўллаб-қувватлашида 2025 йил 24 сентябрь куни соат 10:00 да "Digital Economy Forum 2025" рақамли иқтисодиёт форумини ўтказади. Бир қатор тематик сессиялар доирасида сунъий интеллект даврида иқтисодиёт тармоқларини рақамли ўзгартиришнинг долзарб масалалари кўриб чиқилади, шунингдек, янги ташаббуслар ва шерикликни илгари суриш учун ҳамкорлик муҳити яратилади. Рақамли технологиялар вазирлиги, Рақамли иқтисодиёт ва сунъий интеллект тадқиқотлари маркази, Рақамли ҳукумат лойиҳаларини бошқариш маркази, UZTELECOM, Uzum, IT Park Uzbekistan, Global Computing Consortium ва бошқа ташкилотлар экспертлари форум иштирокчилари бўладилар.

Huawei компанияси ўз кўргазма зонасида телекоммуникация саноати, иқтисодиётнинг турли тармоқлари, саноат ва жамият учун ечимлар ҳамда технологияларни тақдим этиб, рақамли ўзгаришларнинг имкониятларини тақдим қилмоқда.

Анъанага мувофиқ, оператор сегменти вакиллари АКТ инфратузилмасини мустаҳкамлаш учун илғор ечимлар намойиши билан танишишлари мумкин. Булар орасида сунъий интеллектга асосланган Huawei New Calling ва Card-UEN ечимлари мавжуд бўлиб, улар телекоммуникация тармоқларида овозли алоқа ва маълумотлар узатиш хизматларини бутунлай янги даражага кўтаради ҳамда истеъмолчи ва корпоратив секторларда алоқа операторлари учун янги бизнес имкониятларини очади. Кўргазмада Huawei компанияси, шунингдек, Uztelecom ва Mobiuz’га 5,5G технологияларининг истиқболли радиочастота диапазонларидаги имкониятларини намойиш этишда техник ёрдам кўрсатмоқда. Бу эса мобил интернет тезлигининг 10 Гбит/с гача етишини таъминлайди.

Huawei стендида корпоратив сегмент учун ечимларга, жумладан, тезкор маълумотлар узатиш тармоқлари, булутли хизматлар ва сунъий интеллект технологияларига алоҳида эътибор қаратилган. 5G, сунъий интеллект, булутли технологиялар, буюмлар интернети ва катта маълумотлар технологияларига асосланган саноатни рақамлаштириш учун интеграциялашган платформалар иқтисодиётнинг турли соҳалари ва саноат жараёнларини ўзгартириш, ресурслардан фойдаланишни оптималлаштириш, паст углеродли ишлаб чиқаришни таъминлаш ва хавфсиз уланишлар ҳамда маълумотларни қайта ишлашни таъминлаш учун барқарор инновацияларни жорий этиш имконини беради. Фуқаролар фаровонлигини ҳисобга олган ҳолда, платформалар соғлиқни сақлаш, таълимни рақамлаштириш жараёнини тезлаштириш ва шаҳар бошқарувини янада ақлли қилиш имконини беради.

Интеллектуал қурилмалар ва гаджетлар ишқибозлари учун компания автономлик ва суратга олиш сифати яхшиланган Pura 80 серияли HUAWEI смартфонлари каби технологик янгиликларни тақдим этади. Pura 80 сериясидаги смартфонлар янада тезроқ, барқарорроқ ва фаол ҳаёт ритмини сақлаб қолишга тайёр. HUAWEI Pura 80 сериясида оптик катталаштириш билан икки карра зум технологияси жорий этилган, 4К видео суратга олиш, 1080р секинлаштирилган режим, гироскопик барқарорлаштириш ва 1,5 Мп Red Maple мультиспектрал сенсори мавжуд, 2-авлод Kunlun Glass шишаси эса 20 баробар мустаҳкамроқ. Стендда тақиладиган қурилмалар, планшетлар ва ноутбуклар, шунингдек, машҳур Mate Х6 букланадиган смартфони ҳам тақдим этилади.

ICTWEEK Uzbekistan 2025 тадбирининг "Gold Partner"и сифатида Huawei компанияси барча ташриф буюрувчиларни ўз кўргазма майдончасига таклиф этади ҳамда 2025 йил 24 сентябрь куни ўтказиладиган "Digital Economy 2025" рақамли иқтисодиёт форумида иштирок этишга таклиф этади. Шунингдек, "ҳафта"нинг иккинчи кунида бўлиб ўтадиган "Рақамли таълимда сунъий интеллект: тасаввурдан таъсиргача" таълим саммити давомида Huawei компанияси рақамли истеъдодларни тайёрлашда илғор технологияларни жорий этишнинг муҳимлиги ва рақамли таълимни ривожлантиришда сунъий интеллектнинг ўрни ҳақида маъруза қилади ҳамда Huawei ICT Academy негизида янги таълим лойиҳаларини ишга тушириш тўғрисидаги янгиликларни баҳам кўради.