Bozorda «Lacetti»ning gaz balloni portladi. Qurbon bor
Farg‘ona viloyati Rishton tuman markazida avtomashinaga o‘rnatilgan gaz balloni portlashi oqibatida 1 nafar fuqaro vafot etdi. Bu haqda viloyat IIB axborot xizmati xabar berdi.
Qayd etilishicha, hodisa bugun 27 iyun kuni Rishton tuman markazidagi dehqon bozori hududida sodir bo‘lgan. «Lacetti» rusumli avtomashinaning 52 yoshli haydovchisi transport vositasini bozor hududiga qo‘yib, o‘zi savdo qilish uchun ichkariga kirib ketgan.
Shu vaqtda, avtomobilga o‘rnatilgan gaz balloni portlab, yong‘in kelib chiqqan. Portlash oqibatida, shu yaqin atrofda bo‘lgan fuqaro A.A. tan jarohati olib, ko‘rsatilgan tibbiy muolajalarga qaramasdan vafot etgan.
IIBga ko‘ra, hozirda mazkur holat yuzasidan O‘zbekiston Respublikasi Jinoyat kodeksining 259-moddasi (Yong‘in xavfsizligi qoidalarini buzish) 2-qismi «a» bandi bilan jinoyat ishi qo‘zg‘atilib, hozirda dastlabki tergov harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter