Chinozda tug‘ilgan egizaklarga Shavkat, Miromon va Ziroatxon ismlari berildi
Illyustrativ surat.
Chinoz shahridagi Istiqlol ko‘chasi, 71-uyda yashovchi Hurmatilla va Tobonoy Mo‘minovlar bir yo‘la uch farzandlik bo‘lishdi. 23-iyul kuni dunyoga kelgan chaqaloqlarga Shavkat, Miromon va Ziroatxon ismi berildi. Bu haqda «Oltin voha» Telegram kanali xabar berdi.
Oilaning avval ikki o‘g‘il va bir qiz farzandi bo‘lgan. Endilikda farzandlar 6 nafar bo‘ldi.
Avvalroq, Jizzax viloyati Zarbdor tumani «Mustaqillik» mahallasida yashovchi Abdusamat Asqarov oilasida ham uch farzand dunyoga kelgan va ularga Shavkat, Mirziyo va Miromon ismlari qo‘yilgandi.
Uch egizaklarga «Cobalt» avtomobili sovg‘a qilish ancha urfga aylangan edi. Masalan,Toshkent, Farg‘ona, Buxoro kabi shaharlarda tug‘ilgan egizaklarga avtomobil berilgandi.
Shuningdek, fevral oyida «O‘zavtosanoat» AJ vakillari tomonidan «Cobalt» ishlab chiqarish to‘xtatilishi ham ma’lum qilingandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter