«Damas» ustida o‘zini ko‘z-ko‘z qilganlar sud oldida javob beradigan bo‘ldi
![«Damas» ustida o‘zini ko‘z-ko‘z qilganlar sud oldida javob beradigan bo‘ldi](https://xabar.uz/static/crop/1/5/920__95_1507680054.jpg)
Buxoro viloyati IIB JXX YHXB Axborot xizmati boshlig‘i kapitan Ulug‘bek Shukurlayevning «Xabar.uz»ga bildirishicha, «Damas» ustida hayotini xavfga qo‘yib, o‘zini ko‘z-ko‘z qilgan yoshlar xatti-harakati sudda ko‘rib chiqiladi.
Ta’kidlanishicha, ijtimoiy tarmoqlarda havoning issiq kunida 2 nafar o‘g‘il bolaning o‘zini ko‘z-ko‘z qilgan holda, yetmaganiga, orqa yo‘nalishdan kelayotgan avtomashinalar haydovchilariga qo‘l silkib, oyoqlarini osiltirgan ko‘yi «Damas» avtomashinasi ust yukxonasi ustida ketayotgani videosi tarqalgan.
Romitan tumani hududidan o‘tuvchi A-380 avtomobil yo‘lining 236-kilometrida Damas rusumli 80 R 416 WA davlat raqam belgili transport vositasi bilan bog‘liq bo‘lgan vedeo tasvir bo‘yicha Buxoro viloyati IIB JXX YHXB tomonidan surushtiruv harakatlari olib borilgan.
«Xavflilik darajasini bilib turib, o‘zini ko‘z-ko‘z qilgan holda o‘z hayotini xavfga qo‘yib, «Damas» ust temir yukxonasi ustida manzilga qarab borgan yoshlarning xatti-harakatini oqlash qiyin. Yoshlik – bevoshlikni o‘zi va o‘zgalar hayotini xavfga qo‘yish bilan tenglashtirmaslik kerak.Mazkur transport vositasi jarima maydoniga joylashtirildi.Bundan tashqari, haydovchi U.Sh. hamda 20 yigitlar — S.I. hamda J.R.larning xatti-harakati esa sudda ko‘rib chiqiladi», — dedi Ulug‘bek Shukurlayev.
Ayni paytda holat yuzasidan viloyat IIB JXX YHXB tomonidan qo‘shimcha surushtiruv harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter