Toshkentda «Lacetti» va o‘smir boshqaruvidagi «BYD» to‘qnashishi oqibatida 3 kishi halok bo‘ldi
Toshkentning Uchtepa tumanida sodir bo‘lgan YTH oqibatida uch kishi halok bo‘ldi.
Hodisa 16-iyun kuni soat 03:10 atrofida Toshkent halqa avtomobil yo‘li ko‘chasining Uchtepa tumanida joylashgan chorrahada sodir bo‘lgan. 2002-yilda tug‘ilgan haydovchi boshqaruvidagi «Lacetti» avtomobili chorrahada keskin chapga burilgan vaqtda qarshi yo‘nalishda harakatlanayotgan «BYD» rusumli avtomobil bilan to‘qnashgan.
Dastlabki ma’lumotlarga ko‘ra, «BYD» avtomobilini haydovchilik guvohnomasiga ega bo‘lmagan, 2010-yilda tug‘ilgan voyaga yetmagan shaxs boshqargan.
Oqibatda «Lacetti» haydovchisi hamda 1999 va 2004-yillarda tug‘ilgan ikki nafar yo‘lovchi voqea joyida halok bo‘lgan.
Mazkur holat yuzasidan jinoyat ishi qo‘zg‘atilgan. Tergov harakatlari davom etmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter