Kuni kecha O‘zbekiston prezidenti Shavkat Mirziyoyev mahalla tizimini takomillashtirish, mahallalarda tinchlik-osoyishtalikni mustahkamlash, jinoyatchilikning oldini olish masalalari bo‘yicha videoselektor yig‘ilishida Mahalla va oila vazirligini tuzishni taklif etdi. Huquqshunos Xushnudbek Xudoyberdiyev shu vaqtga qadar qaysi vazirliklar o‘z o‘rnida qolgani, qaysilari isloh etilgani va yangi tuzilganlari statistikasini taqdim etdi.

Oxirgi yillarda 3ta vazirlik yangilandi, 11ta vazirlik yangitdan tashkil qilindi, 10ta vazirlik avvaldan bor.

Avvaldan mavjud bo‘lgan vazirliklar:

1. Tashqi ishlar vazirligi 
2. Adliya vazirligi 
3. Mudofaa vazirligi 
4. Ichki ishlar vazirligi 
5. Moliya vazirligi 
6. Sog‘liqni saqlash vazirligi 
7. Oliy va o‘rta maxsus ta’lim vazirligi 
8. Xalq ta’limi vazirligi 
9. Favqulodda vaziyatlar vazirligi 
10. Axborot texnologiyalari va kommunikatsiyalarini rivojlantirish vazirligi 

Yangilangan vazirliklar:

11. Iqtisodiyot va sanoat vazirligi 
12. Investitsiyalar va tashqi savdo vazirligi 
13. Bandlik va mehnat munosabatlari vazirligi 

Yangi tashkil etilgan (bo‘lingan, ajralib chiqqan) vazirliklar:

14. Qishloq xo‘jaligi vazirligi 
15. Suv xo‘jaligi vazirligi 
16. Maktabgacha ta’lim vazirligi
17. Madaniyat vazirligi
18. Jismoniy tarbiya va sport vazirligi 
19. Uy-joy kommunal xizmat ko‘rsatish vazirligi 
20. Innovatsion rivojlanish vazirligi 
21. Qurilish vazirligi 
22. Transport vazirligi 
23. Energetika vazirligi 
24. Mahalla va oila masalalari vazirligi (endi tuziladi)

Bundan tashqari 10 ta davlat qo‘mitasidan 3 tasi yangi tashkil qilindi.

Shuningdek, 6 ta davlat inspeksiyasi, 4 ta oddiy inspeksiya, 8 ta agentlik (yana bitta Yoshlar masalalari bo‘yicha agentlik tuzilishi kutilayapti), 4 ta qo‘mita, 3 ta markaz faoliyat yuritadi.