Shakar qo‘shilgan gazlangan ichimliklarni muntazam iste’mol qilish jigar saratoni xavfini oshirishi mumkin.

Bu xulosaga tadqiqotchilar 11 ta yirik, uzoq muddatli tadqiqotlarda 1,5 milliondan ortiq ishtirokchilarining ma’lumotlarini tahlil qilish orqali erishdilar. Natijalar JAMA Network Open  jurnalida chop etildi. 

Tadqiqotchilar ishtirokchilarning ovqatlanish odatlarini so‘rovnomalar yordamida baholadilar va o‘rtacha 18 yil davomida ularning sog‘lig‘ini kuzatdilar.

Shakarli va sun’iy shirinlashtirilgan ichimliklarni iste’mol qilishga, shuningdek, keyinchalik jigar saratonining turli shakllarining rivojlanishiga alohida e’tibor qaratildi. 

Tahlil shuni ko‘rsatdiki, shakarli ichimliklarni tez-tez iste’mol qiladigan odamlarda jigar saratonining eng keng tarqalgan ikkita turi - gepatotsellyulyar karsinoma va jigar ichidagi xolangiokarsinoma xavfi yuqori.  

Mualliflar suyuq shakarni muntazam iste’mol qilish jigar salomatligiga salbiy ta’sir ko‘rsatishi va uzoq muddatda jiddiy kasalliklar xavfini oshirishi mumkinligini ta’kidlaydilar.