Engadget ekspertlari tomonidan 2025-yil boshida sotib olish uchun eng yaxshi hamyonbop smartfonlar reytingi tuzildi. Ro‘yxatga narx/sifat ko‘rsatkichi bo‘yicha eng yaxshi to‘rtta smartfon kiritildi.

OnePlus Nord N30 5G ushbu reytingni boshqarmoqda (narxi — $230).

Smartfonga kuchli Snapdragon 695 protsessori o‘rnatilgan, operativ xotirasi — 8 GB, displeyining yangilanish sur’ati — 120 Gs. Ushbu smartfon 5G tarmoqlarida ishlaydi, 50 Vt tezkor quvvatlagichga ega.

Samsung Galaxy A15 5G ham to‘rtlikka kiritildi (narxi — $200).

Smartfon 6,5 dyuymli AMOLED-displeyga ega (90 Gs chastotali), afzalliklaridan biri — akkumulyatori ikki kunga yetadi. Kompaniya yangilanish siyosati tahsinga loyiq: Samsung to‘rt yilgacha xavfsizlik patchi bilan ta’minlashga va’da bermoqda.

Moto G Play (2024) — reytingdagi telefonlarning eng arzoni (narxi — $110).

Smartfon Snapdragon 680 protsessorida ishlaydi, ekrani yangilanishi — 90 Gs, batareyasi 46 soatgacha ishlab beradi.

Motorola Moto G Stylus top-4ni yopib berdi (narxi — $200).

Bu telefonning o‘ziga xosligi — qaydlar va rasm chizish uchun mo‘ljallangan stilusi bor. Kreativ foydalanuvchilar uchun ajoyib tanlov.