Pfizer vaksinasi bilan emlangan shifokor olamdan o‘tdi
AQShning Florida shtatida yashovchi shifokor Pfizer va BioNTech kompaniyalari tomonidan ishlab chiqarilgan koronavirus vaksinasi bilan emlangach bir necha kundan so‘ng vafot etdi. Bu haqda Daily Mail marhumning rafiqasiga asoslanib xabar bermoqda.
Ayolning so‘zlariga ko‘ra, 56 yoshli akusher sog‘lom bo‘lib, surunkali kasalliklarga chalinmagan, ammo emlashdan bir necha kun o‘tib «sirli qon kasalligi» tufayli vafot etgan.
«Mening fikrimcha, uning o‘limi 100 foiz emlash bilan bog‘liq. Boshqa izoh yo‘q», - dedi ayol.
Pfizer izohiga ko‘ra, shifokor o‘limidan so‘ng tekshiruv o‘tkazilmoqda, ammo ular o‘lim va vaksina o‘rtasida to‘g‘ridan to‘g‘ri aloqa borligiga ishonmaydilar.
Eslatib o‘tamiz, Pfizer hozircha JSST tasdig‘idan o‘tgan ilk vaksina sanaladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter