Argentina Ispaniyaning noyob rekordini takrorladi
![Argentina Ispaniyaning noyob rekordini takrorladi](https://xabar.uz/static/crop/2/4/920__95_2404275883.png)
Futbol bo‘yicha Argentina terma jamoasi uch yirik turnirda qatorasiga g‘alaba qozonib, Ispaniya terma jamoasining noyob rekordini takrorladi.
Lionel Skaloni boshchiligidagi Argentina Amerika kubogini navbatdagi marotaba qo‘lga kiritdi — finalda Kolumbiya mag‘lub etildi (1:0).
Ushbu sovrin «albiseleste» uchun so‘nggi uch yilda uchinchisi bo‘ldi — argentinaliklar 2021-yilda ham qit’a kubogini o‘zlariniki qilishgan, 2022-yil mundiali dramatik finalida Fransiyani mag‘lub etib, jahon chempionlariga aylanishgan.
Bungacha faqat Ispaniya shunday yutug‘i bilan maqtana olardi: 2008 va 2012-yillarda — Yevro g‘olibi, 2010-yilda — jahon chempioni.
Amerika kubogi-2024 finali Mayami (AQSh)dagi «Hard Rok» stadionida bo‘lib o‘tdi. O‘yin taqdiri qo‘shimcha taymlarda hal bo‘ldi — Lautaro Martines 112-daqiqada argentinaliklar g‘alabasini ta’minlagan gol muallifi bo‘ldi.
Eslatib o‘tamiz, 14-iyul oqshomida o‘tgan Yevrofinalda Ispaniya Angliyani 2:1 hisobida yengib, to‘rtinchi chempionlik bilan qit’a futboli tarixidagi eng kuchli milliy jamoaga aylangandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter