Markos Alonso «Barselona»da Xunior Firpo o‘rnini egallashi mumkin
Kataloniyaning «Barselona» jamoasi Londonning «Chelsi» klubida to‘p suruvchi qanot hujumkor himoyachisi 30 yoshli Markos Alonsoga qiziqish bildirmoqda. Bu haqda Ispaniyaning «Mundo Deportivo» nashri yozmoqda.
«Barselona» qanot himoyasida Hordi Albaga raqobat tug‘dira olmayotgan Xunior Firpo bilan yozgi transfer oynasida xayrlashishi mumkinligi haqida xabarlar tarqagandi. Alba yaqinda 32 yoshini nishonladi.
Markos Alonso o‘tgan mavsum Angliya premer-ligasining 13 o‘yinida maydonga tushib, «Manchester Siti» va «Byornli» darvozalariga bittadan gol kiritgan.
Alonso «Chelsi» safiga 2016-yil 31-avgustida Italiyaning «Fiorentina» jamoasidan 23 million yevro evaziga kelib qo‘shilgan. Ayni paytda ispaniyalik futbolchini nufuzli «Transfermarkt» portali 12 million yevroga baholamoqda. Uning londonliklar bilan shartnomasi muddati 2022-2023-yil mavsumi oxirigacha tuzilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter