AQSh Erondagi urushning birinchi haftasida taxminan 6 milliard dollar sarfladi. Bu haqda The New York Times (NYT) xabar berdi. 

NYT xabariga ko‘ra, Pentagon bu hafta Kongressga ushbu summani e’lon qildi. Gazetaning ta’kidlashicha, ushbu summadan 4 milliard dollari asosan Eronning raketalarni ushlash tizimlari uchun o‘q-dorilarga sarflangan. 

Qonun chiqaruvchilar AQSh ma’muriyati Kongressdan harbiy operatsiya uchun qo‘shimcha mablag‘ so‘rashini kutishmoqda. 

28-fevral kuni AQSh va Isroil Eronga qarshi hujumlarni boshladilar va mamlakat shaharlariga havo hujumlarini uyushtirdilar. AQSh va Isroilning havo hujumlari natijasida 28-fevral kuni ertalab oyatulloh Ali Xomanaiy o‘ldirildi, ammo Eron bu xabarni faqat 1-mart kuni tasdiqladi.

Islom inqilobi qo‘riqchilari korpusi Isroildagi nishonlarga hujum qilib, keng ko‘lamli qasos operatsiyasini e’lon qildi. Bahrayn, Iordaniya, Qatar, Quvayt, BAA va Saudiya Arabistonidagi AQSh nishonlariga ham zarba berildi.