Eron prezidenti halok bo‘ldi
Eronning turli manbalari mamlakat prezidenti Ibrohim Raisiy va tashqi ishlar vaziri Husayn Amir Abdullohiyan vertolyot halokatida halok bo‘lganini tasdiqladi.
Raisiy va boshqalarning o‘limini, xususan, Eronning Mehr agentligi va ismini oshkor etmagan Eron rasmiysi Reuters bilan suhbatda tasdiqlagan.
Eron Qizil yarim oy jamiyati rahbari Pirhusayn Kolivand davlat televideniyesi orqali qutqaruvchilar halokat joyida hayot belgilarini topmaganini aytdi.
Vertolyotning yo‘lovchilari Eron prezidenti Ibrohim Raisiy, tashqi ishlar vaziri Husayn Amir Abdullohiyan, Eronning Sharqiy Ozarbayjon viloyati gubernatori Malik Rahmetiy va Tabriz viloyati rahbari Ali Hoshim bo‘lgan.
Vertolyot yakshanba kuni Eron shimoli-g‘arbidagi tog‘li hududda, Ozarbayjon va Turkiya chegarasiga yaqin joyda qulagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter