Husiylar rahbari Isroil borasida keskin bayonot berdi
Mahdi al-Mashat.
Yamandagi husiylarning “Ansor Alloh” harakati Oliy siyosiy kengashi rahbari Mahdi al-Mashat Isroil uchun “qorong‘u kunlar” kelishini aytdi. U isroilliklar endi o‘zlarini hech qachon xavfsiz his etmasliklariga va’da berdi.
Al-Mashat barcha kompaniyalarni “kech bo‘lmasdan” yahudiy davlatini tark etishga chaqirdi.
"Biz kurashni davom ettiramiz va chaqiriqlarga harakat bilan javob beramiz... Ozodlikning bahosi qondir. Biz fidoyi, sobit va itoatkor xalqmiz", - dedi al-Mashat, uning nutqi Al-Masirah telekanali orqali efirga uzatildi.
Telekanalning qayd etishicha, al-Mashat amalda Yamanning husiylar nazoratidagi hududlari prezidenti hisoblanadi.
Husiylar yetakchisi bu haqda isyonchilar hukumati bosh vaziri Ahmad G‘aleb ar-Rahaviy o‘limidan so‘ng bayonot berdi. Rahaviy Isroilning ommaviy zarbasi natijasida vafot etgandi. Yamen Monitor nashri uning o‘limini husiylar uchun “jiddiy zarba” deb atadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter