Meksikada shahar ko‘chalarini timsohlar egallab olmoqda
Meksika shaharlari ko‘chalarini timsohlar egallay boshladi.
200 dan ortiq timsohlar iyun oyi oxiri va iyul oyi boshida yoqqan kuchli yomg‘irdan so‘ng daryolar va suv havzalari qirg‘oqlaridan toshib ketishi tufayli shahar ko‘chalarida paydo bo‘ldi, deya xabar bermoqda Accosiated Press.
Meksika hukumati sudralib yuruvchilarni ikki hafta davomida faol ravishda ushlamoqda va aholini ular yana paydo bo‘lishda davom etishi mumkinligidan ogohlantirmoqda.
Meksikaning Tamaulipas shtati atrof-muhitni muhofaza qilish kotibiyati ma’lumotlariga ko‘ra, qo‘lga olingan barcha timsohlar odamlar uchun xavf tug‘dirmaydigan tabiiy yashash joylariga qo‘yib yuborilgan.
Avvalroq AQShda baliqchi o‘z ovini suvdan olib chiqayotganida timsoh unga hujum qilib, uni qo‘lidan mahrum qilgani haqida xabar berilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter