АҚШ президенти Жо Байден Россиянинг Украинага бостириб кириши сабабли унга қарши санкциялар жорий этилганини эълон қилди.

Уларга қуйидагилар киради:

• Россия бизнеси учун доллар ва евро, фунт ва йенадаги операцияларни чеклаш;
• Россияга юқори технологияли маҳсулотлар импортини 50 фоизга чеклаш;
• Россиянинг тўртта банкига, жумладан ВТБга қарши санкциялар;
• Россиянинг йирик давлат компаниялари учун АҚШ ва Европа Иттифоқи бозорларида қарз олишга чекловлар;
• Россия амалдорлари, йирик тадбиркорлар ва уларнинг оила аъзоларига нисбатан санкциялар.

АҚШ санкциялари остида қолган банклар орасида Сбербанк «Открытие», Совкомбанк ва Новикомбанк ҳам бор. Шунингдек, «Роснефт» раҳбари Игор Сечиннинг ўғиллари, Россия Федерацияси Хавфсизлик кенгаши котиби Николай Патрушев, Россия Президентининг атроф-муҳит масалалари бўйича махсус вакили Сергей Иванов, ВТБ ва Сбербанк топ-менежерлари ҳам қайд этилган.

Байден АҚШ Россияга қарши урушга бормаслигини, фақат НАТО давлатларини ҳимоя қилиш учун Европада қўшимча кучларни жойлаштиришини таъкидлаган.

Куни кеча Буюк Британия бош вазири Борис Жонсон Россияга қарши янги санкциялар қўлланилишини маълум қилганди.