БМТ бош қароргоҳини Ню-Йоркдан кўчириш таклиф қилинди
Густаво Петро Фаластин тарафдорлари намойишида.
Колумбия президенти Густаво Петро АҚШга визаси бекор қилинганидан сўнг БМТ бош қароргоҳини Ню-Йоркдан кўчиришни таклиф қилди.
Унинг таъкидлашича, БМТ Бош ассамблеясида қатнашувчи президентлар тўлиқ дахлсизлик ҳуқуқига эга. Унинг визаси бекор қилингани ва Фаластин ҳукуматига келишга рухсат берилмагани АҚШ халқаро ҳуқуқ меъёрларига риоя қилмаётганини кўрсатмоқда.
«Бирлашган Миллатлар Ташкилоти бош қароргоҳи Ню-Йоркда қолиши мумкин эмас», — деб ёзди Колумбия президенти X ижтимоий тармоғида.
Густаво Петро Ню-Йоркда Фаластин тарафдорлари намойишида қатнашиб, уларга мурожаат қилгани учун визаси бекор қилинган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter