Эмине Эрдўғон Мелания Трампга мактуб йўллади
Туркиянинг биринчи хоними Эмине Эрдўғон АҚШ президентининг рафиқаси Мелания Трампга мактуб йўллаб, уни Ғазо секторидаги гуманитар инқирозга Украинадаги можародаги каби сезгир бўлишга чақирди.
Аввалроқ АҚШнинг биринчи хоними Россия президенти Владимир Путинга «тинчлик мактуби» ёзиб, бутун дунё бўйлаб болалар ва келажак авлодни ҳимоя қилиш «вақти келганини» айтган эди. Мелания Трамп хатида Украинадаги болаларни назарда тутган.
Эмине Эрдўғон ўз мактубида Мелания Трампга самимий ҳурматини билдириб, у билан Вашингтондаги Оқ уйда бўлиб ўтган учрашувдаги самимий суҳбат ва илиқ қабул орадан олти йил ўтган бўлса-да, хотирасидан ўчмаганини тилга олади. Шунингдек, у Мелани Трампнинг Путинга яқинда ёзган мактуби АҚШ биринчи хонимининг ҳозирги глобал воқеаларга сезгирлигини кўрсатишини таъкидлаган.
Нафақат Украина, балки Фаластин болалари ҳам қувонч, эркинлик ва муносиб келажакка лойиқдир, дейилади жумладан Эмине Эрдўғоннинг мактубида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter