Индонезия йўқолган сувости кемаси чўкиб кетганини эълон қилди, экипажнинг 53 аъзоси ҳалок бўлган
Индонезия ҳукумати йўқолган сувости кемаси чўкиб кетганини, унинг 53 нафар экипаж аъзоси ҳалок бўлганини эълон қилди. Бу ҳақда АР хабар берди.
Мамлакат Ҳарбий-денгиз кучлари қўмондони Хади Тжахжантонинг айтишича, субмарина охирги марта сув остига йўл олган Бали оролига яқин ҳудудда нефть доғлари ҳамда бузилишдан дарак берувчи ашёвий далиллар топилгани «KRI Nanggala-402» кемаси ҳалокатидан далолат беради.
Сувости кемаси ҳалокатининг сабаблари ҳануз қоронғулигича қолмоқда. Мутахассислар тахминига кўра, электр тизимидаги муаммо сабабли экипаж юзага қайтиб сузиб чиқа олмаган бўлиши мумкин.
Индонезиянинг «KRI Nanggala-402» субмаринаси 1977 йили Германия Федератив Республикасида ишлаб чиқарилган, 2012 йили Жанубий Кореяда замонавийлаштирилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter