Макроннинг чинни идишларини ўғирлаган ходим қўлга тушди
Париждаги Елисей саройининг ходими икки йил давомида расмий қабуллар учун мўлжалланган идиш-товоқларни ўғирлаб келгани фош бўлди.
Ўтган икки йил давомида метрдотел (ресторанларда хизматкорларга ишни тақсимловчи ва бошқарувчи) Франция президенти қароргоҳидан 100 га яқин чинни идишни ўғирлаган. Уларнинг айримлари маданий мерос объекти мақомига эга.
У ўғирланган нарсаларни Луврда назоратчи бўлиб ишловчи чиннилар коллекционерига пуллаб келган.
Президент саройида идиш-товоқлар шубҳали даражада озайиб қолганидан сўнг суриштирув бошланган. Ўғирланган буюмлар тинтув давомида юқоридаги икки шахснинг яшаш жойларидан топилган.
Уларга ўғирланган барча буюмларни қайтариш мажбурияти юкланиб, суд назоратига олинган.
Чиннилар ишқибози Луврдан, метрдотел эса Елисей саройидан ҳайдалди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter