Путин Ким Чен Инга нималар совға қилганига аниқлик киритилди
Россия президенти Владимир Путин Шимолий Кореяга ташрифи чоғида КХДР Давлат кенгаши раиси Ким Чен Ин билан совғалар алмашди. Россия президенти ёрдамчиси Юрий Ушаковнинг айтишича, Путин Ким Чен Инга янги Aurus автомобили, ханжар ва сервиз совға қилган.
«Совғалар аллақачон алмаштирилган. Биз Aurus машинасини бердик. Шунингдек, адмирал ханжар ва сервиз ҳам бор», — деди Юрий Ушаков ТАСС журналистларига.
Лекин Россия президентининг ёрдамчиси Ким Чен Ин Владимир Путинга айнан нимани совға қилганини айтмаган.
Владимир Путин 2024 йил февралида ҳам Ким Чен Инга биринчи Aurus машинасини тақдим этган. КХДР раиси ушбу автомобилни совға сифатида олган биринчи хорижий давлат раҳбари бўлди.
Эслатиб ўтамиз, Путин айни дамда давлат ташрифи билан Шимолий Кореяда бўлиб турибди. Бу унинг 24 йилда ушбу мамлакатга иккинчи ташрифидир.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter