Шимолий Корея товушдан тез учувчи ракетани синовдан ўтказди
Шимолий Корея 5 январ, чоршанба куни товушдан тез учувчи ракета синовлари муваффақиятли ўтказди.
Бу ҳақда Жанубий Кореянинг Yonhap агентлиги маълум қилди.
Агентликнинг қайд этишича, ракета 700 километр масофани босиб ўтган ва нишонга аниқ теккан. КХДР етакчиси Ким Чен Ин синовларда иштирок этмаган.
5 январ куни Жанубий Корея Қуролли кучлари КХДР Япония денгизи томон номаълум снаряд отгани хақида таъкидлаганди. Япония қирғоқ қўриқлаш хизмати маълумотларига кўра, КХДР тахминан 500 километр масофага уча оладиган баллистик ракетани учирган.
Қайд этилишича, бу КХДР қуролларининг жорий йилда ўтказилиши мумкин бўлган биринчи синовидир. Шимолий Корея охирги марта ўтган йилнинг кузида ракета синовларини ўтказган эди.
Аввалроқ, КХДР етакчиси Ким Чен Ин Меҳнат партияси пленумидаги чиқиши чоғида мамлакат 2022 йилда «буюк ўлим жангида» ғалаба қозониши зарурлигини эълон қилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter