Бугун Қўшма Штатларда «Қиролга йўқ» шиори остида 3100 дан ортиқ норозилик намойиши бўлиб ўтмоқда. Намойишчилар АҚШ президенти Доналд Трампнинг сиёсати ва Эрон билан урушга қарши намойиш ўтказмоқда, деб хабар беради CNN. 

Reuters агентлигининг хабар беришича, асосий митинглар Ню-Йорк, Лос-Анжелес, Вашингтон ва Миннесота штатидаги шаҳарларда бўлиб ўтади. Норозилик намойишлари барча 50 штатда режалаштирилган. Ташкилотчилар иштирокчиларнинг учдан икки қисми йирик шаҳар марказларидан ташқарида бўлиши кутилаётганини таъкидладилар. 

ТАСС мухбирининг хабар беришича, Вашингтондаги митингга юзлаб намойишчилар қўшилишган. Иштирокчилар «Қиролга йўқ»,«Трампни тўхтатинг, демократияни сақланг»,«Трамп ақлдан озди»,«АҚШ иммиграция ва божхона назорати хизматини тугатинг» ва «Ихтиёрий равишда урушлар йўқ» ёзувли плакатларни кўтариб юришган. РИА Новости хабарига кўра, намойишчилар шаҳарнинг асосий кўчалари бўйлаб юришмоқда. Улар АҚШ Адлия вазирлиги ва Оқ уй олдида тўхташди. 

CNN хабар беришича, Трампнинг сиёсатига қарши норозилик намойишлари Италия, Франция, Германия ва Испанияда бўлиб ўтмоқда. Римда урушга қарши юришда бир неча минг киши иштирок этган. 

Октябр ойида 7 миллиондан ортиқ одам «Қиролга йўқ» митингларида қатнашди. Норозилик намойишлари федерал ҳукуматнинг ёпилиши муносабати билан бўлиб ўтди, бу эса минглаб давлат ходимларининг ишдан бўшатилиши ва ижтимоий-иқтисодий дастурларнинг тўхтатилишига олиб келди.