Трамп Лукашенко билан гаплашиб олди: тафсилотлар
АҚШ ва Беларус етакчилари Доналд Трамп ва Александр Лукашенко телефон орқали гаплашди, дея хабар бермоқда Беларус президенти матбуот хизматига яқин бўлган "Пул первого” Телеграм-канали.
Суҳбат Трамп ва Россия президенти Владимир Путиннинг Аляскада 15 август куни кечга режалаштирилган музокаралари олдидан бўлиб ўтди.
Трамп суҳбатни шарҳлар экан, жараён “жуда яхши” бўлганини айтди.
"Мақсад 16 маҳбуснинг озод этилгани учун унга миннатдорчилик билдириш эди. Шунингдек, биз яна 1300 маҳбусни озод қилиш масаласини муҳокама қилмоқдамиз. Келажакда Беларус раҳбари билан учрашиш масаласини муҳокама қилдик", - деди Трамп.
Унинг қўшимча қилишича, Вашингтон ва Минск Украина можаросини ҳал қилишга бағишланган Анкорижда бўлажак саммитни ҳам муҳокама қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter