Сифати паст, аммо арзон бензин сотишга рухсат берилди — АҚШ
Бугун, 12 апрель куни АҚШ президенти Жо Байден Атроф-муҳитни муҳофаза қилиш агентлиги (Environmental Protection Agency, EPA) этанол таркиби 15 фоизгача (Е15) бензинни сотишга рухсат берганини маълум қилди.
Рухсат 1 июндан 15 сентябргача амал қилади.
АҚШда 2011 йилдан бери фақат Е10 (10 фоизгача этанолли) бензинни сотишга рухсат бор эди. Иссиқ кунларда ҳавода смог (заҳарли моддалар билан тўйинган тутун) ҳосил бўлишининг олдини олиш учун шундай қилинган.
Байден маъмурияти ҳисоб-китобларига қараганда, ифлосроқ, аммо E10 га нисбатан арзон бензиндан қуйган ҳайдовчилар ҳар галлондан (1 галлон — 3,78 литр) ўртача $0,1 иқтисод қилишади, ёзмоқда «The Wall Street Journal».
АҚШда бензиннинг ўртача нархи март ойида бир галлони учун $4,3 гача чиқиб кетганди.
Маълумотларга кўра, АҚШда 150 мингта АЁҚШ бор. Улардан 2,3 мингтасида E15 бензини сотилиши кутилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter