Toshkent xalqaro aeroportida endilikda 15 ta aviakompaniya chiptalari sotilmoqda
Toshkent xalqaro aeroportining ikkinchi qavatida, jo‘nab ketish zalining VIP hamda CIP zallari yonida joylashgan kassada endilikda 15 ta aviakompaniya chiptalarini xarid qilish mumkin. Bu haqda Uzbekistan Airports xabar berdi.
Bular:
- Uzbekistan Airways
- Silk Avia
- Centrum Air
- Qanot Sharq
- Air Samarkand
- Turkish Airlines
- Asiana Airlines
- Lot Airlines
- Belavia
- Air Astana
- Aeroflot
- Ural Airlines
- S7
- Red Wings
- Utair
Bundan tashqari, kassada yo‘lovchilar Uzbekistan Airways, Silk Avia, Centrum Air qo‘shimcha xizmatlari uchun haq to‘lashlari mumkin. Ya’ni, aviachiptalarni xarid qilishdan tashqari, chiptalarni qayta bron qilish va qayta rasmiylashtirish, xizmat ko‘rsatish klassini ko‘tarish yoki tushirish, ortiqcha va maxsus bagaj, shu jumladan, o‘simlik va hayvonlarni tashish uchun to‘lovlarni amalga oshirsa bo‘ladi.
Shuningdek, bu yerda «Fast Track» va aeroportning yuqori qulaylikdagi «CIP Lounge» va «Anor» zallari xizmati uchun to‘lovni amalga oshirish mumkin, deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter