Эрон ҳаво ҳудуди ёпилгани сабабли бир қатор авиақатновлар жўнаш аэропортларига қайтишга мажбур бўлди.

Жумладан:

• Fly One Asia авиакомпаниясининг 7Q7742 қатнови (Мадина – Тошкент йўналиши) Мадина аэропортига қайтди;
• Fly One Asia авиакомпаниясининг 7Q4442 қатнови (Мадина – Фарғона йўналиши) ҳам Мадина аэропортига қайтиб келди;
• Jazeera Airways авиакомпаниясининг J9650 қатнови (Тошкент – Қувайт йўналиши), Тошкентдан маҳаллий вақт билан соат 02:01 да учиб чиққан бўлса-да, яна Тошкент аэропортига қайтди;
• Sam Air авиакомпаниясининг 9S3303 қатнови (Самарқанд – Жидда йўналиши), Самарқанддан маҳаллий вақт билан 02:04 да ҳавога кўтарилиб, Самарқанд аэропортига қайтиб келди;
• Fly Khiva авиакомпаниясининг 2U7911 қатнови (Урганч – Мадина йўналиши), Урганчдан маҳаллий вақт билан 02:17 да учиб чиқиб, яна Урганч аэропортига қайтди;
• Uzbekistan Airways авиакомпаниясининг HY336 қатнови (Жидда – Тошкент йўналиши) ҳам Эрон ҳаво ҳудуди ёпилгани сабабли Жидда аэропортига қайтишга мажбур бўлди.