Қаршида бозор ёнди
Бугун, 7 июн куни соат 11:29 да Қашқадарё вилояти Қарши шаҳар «Ерқўрғон» бозори ҳудудида жойлашган икки қаватли дўконнинг 2 қаватида ёнғин содир бўлди.
ФВВ хабарига кўра, 5 та ёнғин-қутқарув экипажи воқеа жойига етиб бориб, ёнғин ўчирилган. Шунингдек, қўшимча равишда 2 та сув ташишга мўлжалланган транспорт воситаси жалб этилган.
Дасталки маълумотларга кўра, ёнғин натижасида иккинчи қаватда жойлашган дўконнинг 210 кв.м майдонда ички ва том қисми ёниб зарарланган.
Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғин сабаби ва моддий зарар миқдори аниқланмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter