Онлайн қиморни тарғиб қилган икки блогерга чора кўрилди
Ижтимоий тармоқларда бир неча юз минглаб кузатувчиларига эга бўлган блогерлар ўзларига тегишли саҳифаларда букмекерлик хизматларини реклама қилаётган ҳолатлари кузатилган.
Рақобат қўмитасининг маълум қилишича, фуқаролар – А.Шамсиддинов (amirxon_uzbek) ҳамда Д.Илёсов (donik_krash)лар қимор ўйинларини тарғиб қилувчи саҳна кўринишлари орқали жойлаштирилган видео-роликларида «Melbet» букмекерлик товар белгисидан фойдаланган.
Юқоридаги ҳолатлар юзасидан Қўмита томонидан блогерлар белгиланган тартибда маъмурий жавобгарликка тортилиб, тегишли ҳужжатлар судга юборилган.
Маълумот учун, «Реклама тўғрисида»ги қонунига кўра, мамлакат ҳудудида қимор ўйинлари ва таваккалчиликка асосланган бошқа ўйинларни реклама қилиш тақиқланади. Бундай фаолиятни реклама қилиш тегишли жавобгарликка сабаб бўлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter